Albert Wong and CM Cheng 綜合報導：

" 昨日良景比賽，時晴時雨，賽事停了兩次，最後都賽到 5回合。

生哥大發神威！ 飛過安全線 扣左 100 分 penalty 都得 第二名！非常之勁！

如果沒有扣 100分， 就可擊敗 Angus 奪冠！

生哥上次第一次飛 Secret 上次比賽巳有好表現，贏左我罐貝納頌！今次差d 仲贏埋 全日最快時間 （速男獎），可惜最後一回合給阿邦 以 48.06sec 超越了 生哥的 48.46sec.

輝哥頭三回合一直領先，Angus Donny 高佬生 緊追其後，最後 Angus 穩定表現勝出，高佬生第二，輝哥最後一回合失準得第三，AC Wai 飛出 49.xxsec 得第四；Donny 最後兩回合 cut 病嚴重，得第五！我就。。。。唉！昨夜整爛左P3 隻尾翼，修補後可能影響了 CG，極都唔快！只得 18名。輸掉了貝納頌...  "

- Albert Wong 報導


"一早到場的CD阿權不小心把車子跌入深坑！各機友擾嚷一輪，終於可以開賽，但其實大清早良景風力還未穩定，所以賽事在9:40才開始，初時天色明朗，大 約3~4m/s東南偏南，然而，開賽無耐大雨殺到，第一個回合就暫停兩次，其中一次超過30分鐘，需分組計算成績。

早上三場大雨過去後，下午終於放晴，風力也有點增強至6m/s左右，但風力缺乏thermal，所以飛出時間未見突出，一般的時間都在50至60秒左右， 高佬生於第3回合飛出48秒，以為速男在望，點知臨尾被邦邦破壞好事，否則可以帶兩個獎牌番屋企！

良景有咩多？最多cut同penalty囉！由於場地呈弧型，中間凹入右邊凸出，一不留神就飛入安全線，而且因為右邊凸出，所以視覺上很易誤判，以為已飛 到base，哈！所以良景賽，Penalty同cut對成績好大影響，高佬生就因為一個penalty，由第一變成第二，輸俾Angus！

24人5個round後，結果如下：

速男 - 邦邦
季軍 - 肥輝師父
亞軍 - 高佬生
冠軍 - Angus "

- CM Cheng 報導

 
也看 rcsail.com F3F forum.